1. Pangkur asale saka jeneng punggawa ing kalangan pandita. Pangkur ing Serat Purwaukara tegese buntut. Mulane Pangkur terkadhang diwenehi sasmita "tut pungkur" tegese mbuntut lan "tut wuntat" tegese ngéloni utawa mengikuti.
2. Maskumambang saka tembung mas lan kumambang. Mas saka tembung premas tegese punggawa ing upacara shamanistis. Kumambang saka tembung (ka- + ambang) + -um- tegese kembang. Ambang duweni sesambungan karo ambangse sing tegese nembang utawa ngidung. Mula maskumambang bisa diwenehi teges punggawa sing ngaleksanakake upacara shamanistis, ngucapake mantra kanthi nembang karo sesajen kembang. Sajroning Serat Purwaukara, Maskumambang diwenehi teges ulam toya sing maknane ikan air tawar.
3. Sinom sajroning Serat Purwaukara nduweni teges seskaring rambut utawa anak rambut. Nanging sinom uga ditegesi wong kang anom utawa daun muda.
4.Asmaradana saka tembung asmara tegese Dewa asmara lan dhana tegese geni. Sajroning Serat Purwaukara Asmaradana ditegesi remen ing paweweh.
5. Durma saka tembung jawa klasik tegese macan. Wateke medeni utawa suasana seram.
6. Mijil tegese metu.
7. Dhandhanggula saka jenenge Raja ing Kadiri yaiku Prabu Dhandhanggendis. Ing Serat Purwaukara, tegese ngajeng-ajeng kasaean.
8. Kinanthi tegese gegandhengan, kanca, utawa jenenge kembang. Kinanthi wateke seneng. Dienggo sajroning swasana romantis utawa mesra.
9. Gambuh tegese ronggeng, weruh, kulina, utawa jenenge tetuwuhan. Mula Gambuh wateke tegas, ora mangu-mangu.
10. Pucung yaiku jeneng isi woh kepayang. Pucung tegese kudhuping gegodhongan. Pucung wateke utawa biasane dienggoi ing swasana santai.
11. Megatruh saka tembung Megat sing tegese putus utawa medhot, pisah. Ing Serat Purwaukara diwenehi teges mbucal kan sarwa ala (membuang semua yang serba jelek).
sumber
Edy, Yusro.2008.Puisi Jawa Klasik.Semarang:Cipta Prima Nusantara.
Metrum Macapat
Sabtu, 10 Januari 2015
Diposting oleh
Unknown
di
20.50
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Pranata Mangsa
Kamis, 08 Januari 2015
Pranata
Mangsa
Saben mangsa gadhah sipat piyambak-piyambak,
bab punika saged katitik saking wontenipun ewah-ewahan, ing antawisipun ingkang
ketingal wonten ing tethukulan, sato, angin, mega, lan lintu-lintunipun.
Salajengipun ngengingi bab umur, wiwit, candra,
lan tandha-tandha alam saged kawaos kados ing ngandhap punika :
Mangsa Kasa ( umur 41 dinten). Wiwit tanggal
22 utawi 23 juni. Candra : sotya murca saking embanan. Tandha alam : ron-ronan
sami rontok, kathah walang, kumbang lan jangkrik, anginipun dipun sebut Tata
(sae), arah saking ler wetan, kathah bledug.
Mangsa Karo (umure 23 dinten). Wiwit tanggal
2 utawi 3 agustus. Candra : bantalarengka. Tandha alam : bumi pecah-pecah, wit
kapuk sampun wiwit semi, anginipun dipun sebut gathi tegesipun kebak pangertosan
arah saking ler wetan, santer, kathah bledug.
Mangsa katelu (umur 24 dinten). Wiwit tanggal
25 utawi 26 agustus. Candra : suta manut ing bapa. Tandha alam : wit-witan
ingkang mrambat sampun mrambat, deleng lan pala kependem wiwit thukul, anginipun
dipun sebut wiyasa tegesipun ngrugekaken utawi palsu, raosipun asrep lan
sekeca, sering kedadosan angin munyer.
Mangsa papat ( umur 25 dinten). Wiwit tanggal
18 utawi 19 september. Candra : waspa kemembeng jroning kalbu. Tandha alam :
sumber kathah ingkang mampet, wit kapuk sampun wiwit woh, peksi sami dhamel
susuh, kewan suku sekawan sami kawin, winih ulam wiwit nyebar, anginipun
dipunsebut panca warna tegesipun lampahipun molah-malih, kawontenan mega awon.
Mangsa kelima (umur 27 dinten). Wiwit tanggal
13 utawi 14 oktober. Candra : tirta marta sumawur ing jagad. Tandha alam :
wiwit wonten jawah, wit asem sampun semi, wit-witan ingkang mrambat sampun
medal ronipun, kathah sawer medal, anginipun dipun sebut bayu, naminipun dewa
angin, arah saking ler kilen, santer lan molah-malih arah.
Mangsa keenem (umur 43 dinten). Wiwit tanggal
9 utawi 10 november. Candra : rasa mulya kesucian. Tandha alam : who-wohan
sampun wiwit mateng, kewan toyo sampun dados dhewasa lan medal suwiwinipun,
angin dipunsebut ler saking arah ler kilen.
Mangsa kepitu (43 dinten). Wiwit tanggal 22
utawi 23 desember. Candra : wisa kentir ing maruta. Tandha alam : kathah titah
ingkang nandang sakit panas lan madharan, jawoh terus- terusan lepen sami
banjir mega awon (surem), anginipun dipun sebut buwana, arah saking kilen
banter lan mawi embun.
Mangsa kewolu ( umur 26 dinten). Wiwit
tanggal 3 utawi 4 februari. Candra : anjrah jroning kayun (kathah pepinginan).
Tandha alam : kathah kucing jejodohan, uret lan gegremetan sami nglisak taneman,
kathat witingkang pejah, anginipun dipunsebut pawana, bather arah saking kidul
kilen, jawoh sampun wiwit suda.
Mangsa kesanga ( umur 25 dinten). Wiwit
tanggal 1 utawi 2 maret. Candra : wedaring wacana mulya. Tadha alam :
suwantenipun kewang gremetan teru-terusan, wekdalipun sato ngreda, kathah
penyakit panas lan kulit, kawontenan tentrem lan aman, anginipun dipun sebut
samirana, asrep, sekeca, kalem arah saking kidul kilen.
Mangsa kasepuluh (umur 24 dinten). Wiwit
tanggal 26 utawi 27 maret. Candra : gedhong minet jroning kalbu. Tandha alam :
kathah sato ingkang mbobot, kathah peksi damel susuh, wiji ulam nyebar, kewan
gegremetan ical, siti sampun wiwit aking, anginipun dipun sebut wisikan,
sumilir, arah saking kidul wetan.
Mangsa desta (umur 23 dinten). Wiwit tanggal
19 utawi 20 april. Candra : sotya sinarawedi. Tandha alam : peksi sami ngopeni
anakipun, peksi dhewasa sami rontok wulunipun, anginipun dipun sebut tata
saking arah kidul wetan.
Mangsa kasada (umur 41 dinten). Wiwit tanggal
12 utawi 13 mei. Candra : tirta sirna saking sasana. Tandha alam : hawa asrep,
siti aking, kathah bledug, kathah penyakit panas, anginipun dipunsebut Pandawa
angin sekti saking sedherek gangsal, arah saking wetan.
Makaten wedharan ingkang magepokan kaliyan
pranata mangsa mugi wonten guna paedahipun, mliginipun kangge among tani lan
misaya mina. Senajan ta jaman sampun majeng boten wonten awonipun manawi
ingkang kawogan tetep migunakaken pranata mangsa punika kangge paugeran.
Diposting oleh
Unknown
di
05.20
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Label:
Budaya Jawa
Nulis Layang Ulem (Undangan)
Nulis
Layang Ulem (Undangan)
Undangan
utawa ulem-ulem yakuwi laying kang aweh weruh supaya teka ana ing upacara adat,
pawiwahan, supitan, lan sapanunggalane. Lumrahe undangan utawa ulem iku nganggo
basa kang ringkes lan cetha. Dene cengkorongane kang padatan kaya mengkene :
1. Irah-irahan undangan (kepala surat)
2.
Salam pambuka
3.
Pambukaning atur
4.
Isi undangan (surasane undangan)
a. Acara
b. Dina
c. Tanggal
d. Jam
e. Papan
5.
Pangarep-arep
6.
Salam panutup
7.
Papan lan tanggal undangan
8.
Asmane kang ngundang
Cengkorong
kaya ing dhuwur iku mung salah sijine conto. Jaman saiki wujud undangan utawa
ulem iku werna-werna. Cengkorong uga werna-werna, nanging tetep kasesuaikake
karo jinise undangan.
Tuladha :
Winantu
saguning kaslametan
Hawit
saka sih nugrahaning Gusti Allah Kang Maha Kuwasa tansah ambabar kaslametan
tumanduk marang aku lan kowe kabeh. Manawa Gusti Allah Kang Maha Murah paring
kaslametan lan pinuju ora ana alangan sawiji apa, aku kepengin njaluk tekane
kanca-kancaku :
Ing tata cara :
ulang tahun kalairanku kang kaping 17
Dina / Tanggal : Minggu Paing, 24 September 2013
Papan :
omahku rattan Kembang Tanjung No. 3 Surakarta
Gedhe
banget pangep-arepku, kanca-kanca padha gelem teka ana sajroning tata cara
kasebut.
Mangkono
mungguhpanjalukku marang para kanca. Awit saka kawigatene para kanca kabeh, aku
nelakake panuwun tanpa upama.
Rahayu
kang padha tinemu.
Surakarta,
15 September 2013
Susilawati
Diposting oleh
Unknown
di
05.19
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Nindakake pidhato/ Sesorah
Micara
Nindakake pidhato/ Sesorah
Pidhato utawa tanggap wacana, yaiku njlentrehake idhe
utawa pokok pikiran kanthi wujud tembung-tembung kang diucapake marang wong
akeh.
Tujuan tanggap wacana utawa pidhato iku werna-werna,
kayata :
1.
Ana kang tujuanekanggo menehi hiburan
2.
Menehi informasi
3.
Ajak-ajak marang kang ngrungokake supaya
nindakake apa kang dikarepake pamicara
Ngengrengan pidhato iku nyakup, kayata :
1.
Salam pambuka / adangiyah
2.
Purwabasa utawa pambukaning atur
3.
Surasa basa utawa surasanng atur
4.
Pangarep-arep
5.
Wasana basa utawa pungkasaning atur
6.
Salam panutup
Tuladha :
Assalamu’alaikum Wr. Wb.
Pangarsaning pawiyatan ingkang satuhu kinurmatan
Para dwija ingkang winantu suka basuki
Para kanca nunggil pawiyatan ingkang nunggil pawiyatan
Kinarya purwakaning atur sumangga panjenengan sadaya
lan ing siyang menika sami ngonjukaken puja-puji sokur konjuk wonten
Ngarsanipun Gusti Allah ingkang murbeng jagad, ingkang sampun hamatedhakaken
nugrahanipun tumanduk dhumateng panjenengan sadaya lan kula. Ngaturaken pambageraharja
wilujeng sinartan panuwun ingkang tanpa pepindhan katur dhumateng panjenengan
sadaya ingkang sampun kersa ngrawuhi gumelaring tata cara ing wanci siyang
punika, mugi kersa lelenggahan kanthi prayogi ngantos paripurnaning tata cara
ing wanci siyang punika.
Pangarsaning pawiyatan, para dwija ingkang satuhu
kinurmatan, sarta para kanca ingkang nunggil pasinaon.
Ingkang dados wigatosing kridha hing wanci siyang
punika, para siswa ingkang manunggil wonten ing bebadan OSIS ngawontenaken
kridha pentas seni budaya Jawi ingkang tuwuh lan taksih gesang wonten ing
pabrayan Jawi kadosta : festival dolanan bocah, ndongen, nembang Macapata serta
maca Geguritan. Ingkang dados pancadan dene kridha punika dipunwontenaken
inggih menika, hawit kawontenan jaman samangke kados para kaneman sampun sami
kesupen dhateng budayanipun pribadi. Mila saking menika tata cara punika
ginelar hing pangajab sageda para kaneman sami remen malih dhumateng
budayanipun piyambak inggih punika budaya Jawi. Menika tandha yektos menawi para
kaneman taksih purun nglestantunaken saha ngrembakaken budaya Jawi.
Pangarsaning pawiyatan, para dwija ingkang satuhu
kinurmatan, sarta para kangca ingkang nunggil pasinaon.
Kula makili para kadang warganing OSIS ngaturaken
agenging panuwun katut wonten ngarsanipun Bapak Kepala SMP Makmur ingkang
sampun maringi papan kangge ajang kridha ing siyang, saha ngaturaken agunging
panuwun katur para dwija ingkang sampun kersa ngladhi parakanca ingkang sami
badhe ngetinggalaken kasagedanipun, atur panuwun dhumateng para kanca-kanca
nunggil pawiyatan ingkang sampun paring pambiyantu ingkang awujud menapa
kemawon kangge lampahing kridha ing siyang punika. Mugi sih kadarman
panjenengan sadaya pikantuk ganjaran ingkang sakalangkung kathah saking
ngarsanipun Gusti Allah ingkang Maha Mirah.
Pangarsaning pawiyatan, para dwija ingkang satuhu
kinurmatan, sarta para kanca ingkang nunggil pasinaon.
Kridha ing siyang menika sampun katata sawetawis
wekdal, naming dumugining gati taksih kathah kekiranganipun, mila saking punika
atas nama panitia kula nyuwun pangapunten.
Makaten lan semanten ingkang saged kula aturaken,
kathah kalepatan anggen kula matur wonten ngarsa panjenengan kula nyuwun
agunging pangaksama.
Nuwun.
Wassalamu’alaikum Wr. Wb.
Diposting oleh
Unknown
di
05.17
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Label:
Sesorah
BATHIK
Rabu, 07 Januari 2015
GAWE BATHIK
Bathik minangka kerjaninan tangan rakyat sing wis
dingrembakake wiwit jaman biyen, kajaba saka kuwi uga minangka salah sawijining
warisan budaya kang adiluhung sing diduweni dening bangsa Indonesia. Lumantar
bathik bisa padha sinau ngenani filsafah urip. Saben cakrik bathik tansah
nyimpen makna. Saben corek lan p0ralambang sajroning bathik ngandut pandonga,
falsafah lan cerita sing bisa mbeber sejatining urip.
1.
Ubarampe Gawe Bathik
Ubarampe
sing digunakake sajroning gawe bathik ing antarane :
a.
Malam
Minangka ubarampe sing banget piguna
sajroning gawe bathik, sadurunge digunakake kanggo mbathik, malam wujude padhet
sawise didokok ana njero wajan lan dipanasi karo kompor, malam iku bakal leleh
mbanyu. Kahanane malam kudu tansah dijaga kanthi cara ngatur gedhe cilice geni
kompor. Malam ana pirang-pirang jinis, yaiku :
·
Malam abang utawa ireng
·
Malam kuning
·
Malam putih
·
Malam kepyar, lan liya-liyane
b.
Kain mori
Kanggo mbathik tulis bakaran, kain
sing digunakake kain mori sing bahan dhasare satus persen saka kapas utawa kain
mori katun. Sing dadi alesane yaiku :
·
Kain mori iki kagolong kain sing paling tipis,
menawa dibathik bakal tembus utawa bathike bakal katon kanthi cetha satemah
gampang kanggo diterusi.
·
Kain mori duwe daya resep tumrappawarna sing becik.
Kajaba iku gampang banget anggone nyedhiakake amarga sumadya ana ing pasaran.
·
Manawa kain mpori ora satus persen saka kapas,
utawa campur karo bahan liyane upamane nilon, biasane Manawa kenamalam sing
panas bakal mengkeret, kajaba saka kuwi ora bisa nyesep zat pewarna kanthi
sempurna.
c.
Zat pewarna
Zat pewarna yaiku zat sing digunakake
kanggo menehi warna marang kain bathik. Zat pewarna iku ana sin g wujud
sintetis utawa gawean lan zat pawarna alami utawa asli. Kanggo wektu saiki
pawarna bathik sing bakaran wetan luwih akeh migunakake pawarna gawean, amarga
pawarna iki regane luwihmurah lan luwih gampang digoleki ana ing pasaran.
Miturut jinise pawarna iku dibagi
dadi 3 ing antarane :
·
Wedel yaiku zat pewarna dhasar, kanthi warna
biru tuwa. Wedel kanthi biru tuwa iki biasane dicampur ana bathik klasik
bakaran
·
Sogo iki minagka pawarna kang mligi, kanthi
warna abang semu soklat. Sogo kanthi warna abang semu soklat biasane digunakake
ana bathik-bathik klasik bakaran.
·
Saren ing kene mung digunakake minangka panentu
warna, dadi Manawa tuku sogo mesthi kudu bareng karo sarenne.
Warna sing lumrah kanggo mbathik
yaiku : ireng, biru tuwa, soga/soklat, kudhu/abang tuwa, ijo, kuning, lan warna
violet.
d.
Canthing
Canthing yaiku piranti kanggo
nggambar utawa nemplekake malam ana sadhuwure kain sing arep dibathik. Bathik
iku sawijining kegiyatan nggambar cakrik
tartemtu jroning kain mori utawa liyane kanthi nggunakake malam lan
sarana canthing. Dene carane gawe bathik iki, miturut sawetara sumber, diwiwiti
saka nyepakake kain mori nganti dadi kain bathik. Kanggo gawe cakrik bathik
lumrahe dilakoni kanthi cara tulis tangan nganggo canthing (bathik tulis),
nggunakake cap saka tembaga (bathik cap), gawe cakrik jroning mesin printing
(bathik printing), dibordir (bathik bordhir). Carane gawe bathik iku rada
njlimet tur pating clekenik. Akeh ubarampe lan laku sing kudu ditindakake. Sing
kapisan diwiwti saka pamilihan cakrik bathik. Cakrik bathik iki digambar ing
kertas lembaran gedhe lan kanggo ngeblat ing kain mori. Saka gambaran cakrik
iku, banjur dicorek ing kain mori. Bubar kuwi lagi dibathikake marang tukang
bathik lan sateruse diproses kanthi cara tartamtu supaya dadi kain bathik.
2.
Carane gawe bathik
a.
Ngelowong, yaiku nggambari kain nganggo malam.
Sipat malam kudu kuwat lan malame gampang dieculake kanthi cara dikerok,
jalaran tilas gambar saka malam iki kang bakale diwenehi werna soklat soga.
b.
Nembok, yaiku proses kang meh padha karo
ngelowong. Nanging malam kang dienggo luwih kuwat amarga malam iki kanggo nahan
werna biru (indigo) lan coklat soga supaya ora tembus kain. Bedane karo
ngelowong yaiku menawa nembok iku kanggo nahan werna. Dene ngelowong kanggo
nggambar lan dadi panggonane werna soklat sawise dikerok.
c.
Wedelan/ celupan, yaiku proses menehi werna biru
kanthi nggunakake indigo kang ditrepake karo tingkatan werna sing dikarepake.
Jaman ndhisik mbutuhake wektu nganti seminggu luwih. Sawise taun 1965, sithik
banget wong kang nggunakake indigo. Werna biru iki sabanjure nggunakake werna
kimia kang luwih cepet kaya naptol, kang bisa nyepetake proses iki.
d.
Ngerok, yaiku ngilangi malam klowongan kanggo
nyepaki werna soklat. Carane nandangi kanthi nggunakake cawuk.
e.
Mbironi, yaiku proses kang dilakoni nalika kain
wus dikerok ing perangan –perangan kang dikarepake werna supaya tetep biru lan
putih (cecek), perlu ditutup malam nganggo canthing tulis/ biron. Asile supaya
perangan iku ora kecemplungan soga Manawa disoga.
f.
Ngoga, aiku proses nalika kain kang wus dibironi
diwenehi werna soklat/ disoga kanthi ekstrak pawarna kang digawe saka kulit
kayu, soga, tingi, tegeran lan liya-liyane (zat werna alam)
g.
Kain iku banjur dicelup jroning bak nganti teles
sakabehe, banjur ditus nganti garing. Proses iki dbolan-baleni nganti entuk
werna soklat sing dikarepake. Lumrahe mbutuhake wektu nganti rong minggu.
Nanging Manawa nggunakake pawarna kimia (zat werna sintetis) proses iki bisa
rampung sedina.
Diposting oleh
Unknown
di
07.11
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Label:
Ketrampilan
GEGURITAN
MACA
GEGURITAN
Manut asal-usuling tembung, geguritan asale saka
tembung “gurit” sing tegese kidung, tembang, utawa tulisan sing wujude ukiran
utawa tatahan. Geguritan uga diarani guritan, yaiku puisi jawa. Geguritan kuwi
ora ditembangake nanging diwaca nganggo wirama, wirasa, lan wiraga manut
surasane.
Titikane geguritan yaiku :
1.
Ora kaiket guru gatra, guru wilangan, lan guru
lagu,
2.
Isine mentes, padhet,
3.
Basane endah,
4.
Ngandut piwulangan, kritik, protes,
pangarep-arep, lan liyan-liyane.
Geguritan kang
becik ora ninggalake paugeran, yaiku :
1.
Guru lagu yaiku, dhong-dhinge swara (tibane
swara) ing saben pungkasane gatra
2.
Guru gatra yaiku, cacahing gatra (larik) saben
sapada (sabait)
3.
Guru wilangan yaiku, cacahing wanda (suku kata)
saben-saben gatra.
Geguritan kaperang dadi 2 yaiku :
1.
Geguritan Tradhisional
Geguritan
tradhisional kuwi geguritan nganggo paugeran-paugeran tartemtu kayata cacahing
larik saben pada (bait), cacahingwanda saben larik uga dhong-dhinge swara
(tibane swara). Kang kagolong geguritan tradhisional yaiku parikan, wangsalan,
tembang macapat, tembang tengahan, tembang gedhe.
2.
Geguritan Modern
Geguritan modern
ora diwatesi pathokan-pathokan lan paugeran kaya kang ana ing geguritan
tradhisional. Tegese saben pada ora ditemtokake cacahe larik. Saben larik ora ditemtokake
wanda lan dhong-dhinge swara. Pangripta mardika (bebas) anggone medharake
karep. Mula geguritan modern uga diarani geguritan bebas utawa kang saiki
lumrah diarani geguritan.
Paugeran kang kudu digatekake supaya
bisa maca geguritan kanthi becik tur endah yaiku :
1.
Mangerteni isine geguritan sing diwaca
2.
Bisa ngrasakake surasane geguritan
3.
Duwe swara sing landhung lan becik supaya
kepenak dirungokake
4.
Pangucapane tembung kudu pener
Tuladha Geguritan
Kurban Salah Mangsa
Ndeleng blegere mono
ya siswa
Panganggone jebles
siswa
Kumpulane katone
padha siswa
Saka ngomah ya katon
siswa
Yen ing kelas ora
beda kaya siswa
Ing tengah dalan
jebul dudu kaya siswa
Banjur . . . banjur
kena apa
Jare kabeh kandha
siswa
Nanging . . . nanging
jebul nyata .. . nyata
Tumindake dudu kaya
siswa
Kelakuane ora pantes
yen sinebut siswa
Tandang tanduke ora
patut dikandhakake siswa
Solah-bawane nyebal
saka wujude siswa
Babar pisan ora duwe
tatakrama
Singular saka
kasusilan
Dhemene padha tawuran
Rumangsa bangga yen
bisa nglanggar aturan
Tumindake tanpa
nganggo tatanan
Solahe nalisir saka
paugeran
Polahe kaya wong
urakan
Ugal-ugalan
sadalan-dala
|
Ngombe kang tanpa
ukuran
Kumpulane kaya dene
padha karo kewan
Lummuh makarya apa
maneh kangelan
Nanging gaweyane tiru-tiru
bangsane juragan
Sapolahe emoh kalah
Sanadyan nglakoni
laku salah
Kaya-kaya ora duwe
rasa gela
Sandyan wis tumindak
kang nistha
Rumangsa kaya ora
duwe dosa
Sanadyan tumindak
luput ing saben mangsa
Sing salah banjur
sapa
Sing salah lan
nanggung akibate ora liya
Ya sing rumangsa dadi
manungsa
Ya manungsa sing kud
urip karo manungsa
Ya jalma sing kudu
bareng karo spadha-padha
Ya manungsa sing kudu
bekti karo wong tuwa
Ya manungsa sing kudu
mituhu marang dwija
Ya manungsa sing kudu
diwenehi urip dening Kang Maha Kawasa
Ya manungsa sing dadi
gegadhangane nusa lan bangsa
Siswa sing dadi
kurbane salah mangsa
|
Diposting oleh
Unknown
di
07.08
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Label:
Geguritan
Nyemak Pariwara (Iklan)
Nyemak Pariwara
(Iklan)
Pariwara nduweni teges ajak-ajak utawa celuk-celuk
kang katindakake kanthi bola-bali (berulang-ulang). Lumrahe dibiwarakake mawa
media, kayata radhio, televise, film, laying kabar/ariwarti, kalawarti
(majalah) lan liya-liyane. Ancas tujuwane pawongan utawa perusahaan masang
nggiyarake pariwara, yakuwi kanggo menehi katrangan (informasi), ajak-ajak,
nepungake ngiras nawakake jasa utawa asil produksine marang wong akeh utawa
masarakat.
Pariwara iku bisa kasebut komunikatif yen pesen utawa
kang pengin disiarake bisa dipahami utawa dimangerteni dening masarakat umum.
Pilihan tembung lan ukara kudu bener, ora njlimet, lan gampang ditrima utawa
dimangerteni. Pariwara uga biasane dijangkepi kanthi gambar.
Babagan kang perlu digatekake sajroning pariwara ana 2
warna, yaiku :
1.
Surasa pariwara
a.
Kudu objektif lan jujur,
b.
Cekak lan cetha,
c.
Ndudut ati (menarik).
2.
Basa pariwara
a.
Gampang ditampa (komunikatif),
b.
Ukarane cekak, cetha, lan ndudut ati,
c.
Isine nyata, ora ngapusi lan sipate ngajak-ajak.
Lumrahe, pariwara
iku dibiwarakake kanthi 3 cara, yaiku :
1.
Pariwara radhio :
nggunakake suara kanggo pariwarane.
2.
Pariwara media cethak : nggunakake gambar lan uga tulisan kanggo pariwarane.
3.
Pariwara televise : nggunakake gambar, suara, uga tulisan kanggo pariwarane.
Tuladha Pariwara :
Manfaate Duduh Klapa
Duduh
klapa sing seger seliyane bisa kanggo ngilangake ngorong jebule nduweni
manfaat lan khasiat sing akeh banget. Kajaba rasane sing legi, enak lan
nyegerake awak, jebule bisa nyegah dehidrasi, maag, nganti tekan lara
kangker. Ora percaya? Ayo dirungoke kanthi temen biwara manfaate duduh klapa
iki.
Ngombe
duduh klapa sing adhem ana ing swasana hawa kang panas, rasane mesthi seger
banget. Awit maedahi tenan yen banyu klapa dienggo gawe omben kanggo tamba
ngorong. Nutrisi sing ana ing sajerone banyu klapa uga dipercaya kena kanggo
sarana tamba sawarnaning lelara.
Duduh
klapa kuwi salah sijine banyu murni sing cendhek karbohidrat, 99 % cendhek
lemak lan cendhek gula, sing aman diombe kanggo wong sing obesitas (kelemon)
lan lara diabetes (kencing manis/gula). Adhedhasar cathetan sing ana USDA
National Nutrient, saben 100 gr duduh klapa nyimpen 19 kalori, 0,2 lemak, 1,1
serat, 0,72 g protein, lan 0 mg kolesterol. Uga nyimpen magnesium, kalsium,
vitamin B, C, zinc, yodium, mangan lan selenium. Amarga simpenan nutrisi sing
akeh mau, banyu klapa duweni kasarasan kayata : dehidrasi (kurang cairan),
njaga abote awak, sistim kekebalane awak, nikelake metabolism, nyuda rasa
munek, nglancarake sistim pencernaan, kolera, maag, lan kangker.
|
Diposting oleh
Unknown
di
07.06
0
komentar
Kirimkan Ini lewat Email
BlogThis!
Berbagi ke Twitter
Berbagi ke Facebook
Label:
Pariwara
Langganan:
Postingan (Atom)