Ukara

Njembarake Kawruh

Ukara

Ukara dhapukaning tembung anut paugeran tartamtu kang nduweni teges kang cetha. Ukara sing sempurna iku kedadeyan saka : jejer, wasesa, lesan, lan katerangan.

Ø  Jejer (subyek) yaiku sing dadi bakuning pirembugan, jejer dumadi saka tembung aran, utawa tembung liyane sing didadekake tembung aran.

Ø  Wasesa (predikat) yaiku sing nyritakake utawa nerangake kahanan jejer. Wasesa bisa saka tembung kriya,sarta tembung kahanan, tembung sesulih, tembung wilangan, tembung aran, tembung katerangan lsp.

Ø  Lesan (obyek) yaiku apa sing disedya dening wasesa. Lesan kadadeyan saka tembung aran utawa tembung liyane sing didadekake tembung aran.

Ø  Katerangan yaiku sing menehi keterangan marang tembung jejer, katerangan wasesa, katrangan lesan, yaiku dumadi saka tembung katrangan sarta tembung katrangan wasesa.

Tuladha :

Susi tuku lemper ana pasar Sirdadi

Susi                                        : jejer

Tuku                                      : wasesa

Lemper                                                :lisan

Ana pasar serdadi            : katerangan panggonan.

1.              Ukara lamba lan ukara camboran

a.       Ukara lamba yaiku ukara sing duwe jejer, wasesa, lan katrangan mung siji, lire ora rangkep.

Tulaladha :

·           Budi ngiseni kolah

·           Ani nggodhog wedang

b.      Ukara camboran yaiku ukara sing kadadeyan saka rong ukara utawa luwih wujude ngumpul dadi siji lan dawa.

·           Ukara camboran jajar yaiku ukara sing ngarep ora dadi katrangane ukara sing mburi.

Tuladha :

·    Budi ngisi kolah, Ani nggodhog banyu

·    Adhiku lagi sinau basa Jawa, Bapak maos Koran

·           Ukara camboran raket yaiku ukara sing ngarep lan ukara sing mburi ana sesambungane rapet.

Tuladha :

·      Kakange lunga menyang tegalan, dene adhine menyang kebon

·      Bapak sing nutu gabah, ibu sing nginteri

·           Ukara camboran sungsun yaiku ukara sing ngarep diterusake ukara sing mburi, jalaran awujud ukara crita.

Tuladha :

·      Nalika aku lagi mangan, bapak kondur saka Sala

·      Wektu aku tangi turu, ibu wis rampung anggone olah-olah

2.              Ukara crita, ukara pitakon, ukara pakon, ukara pangajak.

a.         Ukara crita, yaiku ukaa wedhar gagasaning manungsa tumuju marang wong sing diajak guneman.

Tuladha :

·           Dina Senen tanggal 4 Maret 2013, kelas IX ulangan basa Jawa

·           Aku lagi wae weruh ana wong lanang nganggo anting-anting

b.        Ukara pitakon, yaiku ukara wedhar gagasaning manungsa, amarga kepengin mangerteni apa sing durung diweruhi. Kawiwitan tembung pitakon lan dipungkasi tandha pitakon (?)

Tuladha :

·           Apa Pak Darma isih dodol dhawet?

·           Sapa asmane bapak Kepala Sekolah?

c.         Ukara pakon, yaiku ukara wedar gagasaning manungsa tumuju marang wong kapindho, supaya nglakoni pagaweyan.

Tuladha :

·           Tulung dhi laying iki wacakna !

·           Bedhang kae pilihana sing wis mateng !

d.        Ukara pangajak yaiku uakara wedar gagasaning manungsa tumuju marang wong kapindho, supaya bareng-bareng nglakoni, apa sing ditindakake dening wong kapisan.

Tuladha :

·           Ayo padha dipangan, ora usah padha isin.

·           Ayo padha dirembug sing apik-apik.

3.              Ukara panjaluk, ukara pangarep-arep, ukara upama, ukara prajanji.

a.       Ukara panjaluk, yaiku ukara parentah utawa pakon sing luwih alus, upamane nganggo basa karma.

Tuladha :

·           Manawi kersa, mangga kula aturi pinarak.

·           Boten sisah kesesa, mangga dhahar rumiyin.

b.      Ukara pangarep-arep, yaiku ukara panjaluk, sing nganggo diwiwiti tembung muga-muga (mugi-mugi)

Tuladha :

·           Muga-muga slamet nganti tekan omah.

·           Mugi-mugi kasembadan ingkang jinangka.

c.       Ukara upama, yaiku ukara sing isine wujud wedhar gagasanig wong sing wis ora bisa klakon amarga wis kliwat.

Tuladha :

·           Upama mau lewat kana mesthi aku oleh bageyan.

·           Upama aku dadi ketua kelas, kancaku sekelas dakjajakake.

d.      Ukara prajanji, yaiku ukara kang isi prajanji sing diajak guneman.

Tuladha :

·           Yen kowe sesuk lulus daktukokake sepeda anyar.

·           Yen ibumu setuju dina prei Senen ngarep plesir ana Tawangmangu.